«АЛСИ мен НР шешімдері бизнестің тиімділігін арттыру үшін!» тақырыбындағы Road Show 14 мамырда Астана қаласында басталып, 29 мамырда Ақтау қаласында аяқталды. Жалпы алғанда, қос компанияның өкілдері ҚР-ның бес ірі қаласына барды: Астанаға, Қарағандыға, Павлодарға, Өскеменге және Ақтауға.
Конференция бағдарламасы Hewlett Packard-тің әр түрлі серверлік шешімдерінің артықшылықтары мен қосымша мүмкіндіктері туралы, сондай-ақ аймақтық қатынастардың даму үрдістері мен АЛСИ компаниясымен бұдан былайғы серіктестік ынтымақтастық келешегі туралы әңгімелеген спикерлердің баяндамаларын қамтыды.
Жекелей алғанда, АЛСИ аймақтық сатылымдар бөлімінің менеджері Дмитрий Роговец НР ProLiant ML&DL&BL тобы серверлері негізіндегі шешімдер туралы баяндады: түрлерін, жаңалықтарын, параметрлерін. Сонымен бірге спикер өнімділік пен тиімділіктің жаңа стандарттарын ашатын 6-шы буынды жаңа НР ProLiant өнімдерімен таныстырды.
Сөйтіп, НР ProLiant өнімдері мен олардың опцияларынан тапсырыс берушінің қалауы бойынша кез келген шешімді жинауға болады.
Сонымен қатар, спикер аудиторияны НР ProCurve мүмкіндіктерімен таныстырды, кез келген ауқымдағы кәсіпорынның желілік инфрақұрылымын қалайша тиімді оңтайландыруға болатындығы туралы айтты.
НР компаниясының өкілі Вадим Качук «ProLiant-Proдвижение» бағдарламасы туралы баяндады, бұл көтермелеу жүйесі оған қатысушыларға Rebates жинап, алуға мүмкіндік береді, оған қатысушы-компания дистрибьютордан НР ISS жабдығын сатып алуға құқылы. Сондай-ақ ұпай жинау мүмкіндігі бар, оларды бағдарламаның қорытындылары бойынша әрбір қатысушының сатқан серверлерінің санына сәйкес есептейді де, қатысушы оларға бағалы сыйлықтар таңдайды.
Әр қаладағы конференция фуршетпен аяқталды, мұнда серіктестер үшін сыйлықтар ойналды, сонымен бірге конференцияға қатысушыларда екі компанияның өкілдерімен достық жағдайда бейресми әңгімелесуге мүмкіншілік болды.
